बोदवड रेल्वेस्थानकानजीकची घटना
जळगाव: चालकाचे नियंत्रण सुटल्याने धान्याचा ट्रक थेट रेल्वेगेट तोडून मुंबई - अमरावती एक्सप्रेसच्या इंजिनवर जाऊन आदळला. ही घटना १४ मार्च रोजी पहाटे ५ वाजेच्या सुमारास बोदवड रेल्वेस्थानकापासून ५०० मीटर अंतरावर घडली. सुदैवाने या घटनेत कोणतीही जीवितहानी झाली नाही.
छत्रपती शिवाजी महाराज टर्मिनल ते अमरावती डाऊन एक्सप्रेस ( गाडी क्रमांक.१२१११) ही सकाळी पाच वाजेच्या दरम्यान बोदवड रेल्वेगेट जवळून जात होती. त्याचवेळी बंद असलेले रेल्वेगेट तोडून एक ट्रक रेल्वेमार्गात घुसून रेल्वे इंजिनवर जाऊन आदळला. एक्सप्रेसची गती कमी असल्याने चालकाने ब्रेक मारून गाडी थांबवली तर इंजिनवर ट्रक धडकताच चालक उडी मारून लगेचच फरार झाला. एक्सप्रेस चालकाने तात्काळ ब्रेक लावल्याने मोठी दुर्घटना टळली. मात्र एक्सप्रेसमध्ये झोपलेले प्रवासी बर्थवरुन खाली पडले. दरम्यान बोदवडनजीक झालेल्या अपघातामुळे रेल्वेची हाय टेन्शन वायर तुटली आहे. त्यामुळे रेल्वे वाहतुकीवर परिणाम झाला आहे. अमरावती एक्सप्रेस त्याच ठिकाणी थांबविण्यात आली आहे.
Social Plugin