Rohini Khadse | 'एवढा' एक गुन्हा माफ कराच! हीच महिला दिनाची मोठी भेट; का म्हणाल्या राष्ट्रवादी काँग्रेसच्या रोहिणी खडसे? थेट राष्ट्रपतींनाच लिहिले पत्र

महिलांच्या अपहरण, घरगुती हिंसाचारात वाढ

 जागतिक महिला दिन (International Women's day) सर्वत्रच साजरा होत असताना राज्य सरकारकडून State Government) अनेक कार्यक्रमांचे आयोजन करण्यात आले आहेत. महिलांच्या सुरक्षेची आणि कायद्याची सर्वत्र चर्चा सुरु आहे. दरम्यान, राष्ट्रवादी काँग्रेस शरद पवार Nationalist Congress Party Sharad Pawar) गटाच्या नेत्या रोहिणी खडसे (Rohini Khadse) यांच्या वक्तव्याची सर्वत्र जोरदार चर्चा सुरू झाली आहे. रोहिणी खडसे यांनी थेट राष्ट्रपती द्रौपदी मुर्मू (President Draupadi Murmu) यांना  लिहित एक खून माफ करण्याबाबत पत्र लिहिले आहे.

रोहिणी खडसे यांनी त्यांच्या पत्रामध्ये लिहिले आहे की, सर्वात प्रथम आपल्याला जागतिक महिला दिनाच्या हार्दिक शुभेच्छा! आपला देश हा महात्मा, बुद्ध आणि महात्मा गांधींचा देश म्हणून ओळखला जातो. जे शांतीचे अहिंसेचे मोठे प्रतीक आहे, तरी आपली क्षमा मागून वरील मागणी करत आहे. कारणही तसेच आहे. आज देशात महिला मोठ्या प्रमाणात असुरक्षित आहेत. येणाऱ्या प्रत्येक दिवशी महिलांवरील अत्याचारांच्या घटनेत वाढ होत आहे. दोनच दिवसांपूर्वी पूर्वी देशाची आर्थिक राजधानी मुंबई येथे एका १२ वर्षीय मुलीवर सामूहिक अत्याचार करण्यात आले. राष्ट्रपती महोदया, १२ वर्षीय ! विचार करा काय परिस्थिती असेल?

भारत सर्वात असुरक्षित देश 

नुकताच वर्ल्ड पॉपुलेशन रिव्यू सर्व्हे आला आहे. अशा बातम्या आम्ही वाचल्या. या सर्व्हेमध्ये महिलांसाठी असुरक्षित असलेल्या जगातील विविध देशांचा उल्लेख केला आहे. या सर्व्हेनुसार आशिया खंडात भारत सर्वात असुरक्षित देश असल्याचे म्हटले गेले आहे. महिलांचे अपहरण, महिला बेपत्ता होण्याचे प्रकार, घरगुती हिंसाचार आणि अन्य गंभीर विषयांचाही समावेश आहे. त्यामुळे आम्हाला एकाला 'संपवायचा' गुन्हा माफ करा. अशी आम्ही समस्त महिलांच्यावतीने मागणी करतो.

आम्हाला संपवायची अत्याचारी प्रवृत्ती

आम्हाला संपवायची आहे अत्याचारी मानसिकता, दुष्प्रवृत्ती, निष्क्रिय असलेल्या कायदा सुव्यवस्थेचा. महोदया, आपल्या राज्यावर, देशावर संकट आले म्हणून महाराणी ताराराणी, पुण्यश्लोक अहिल्यादेवी होळकर यांनी तलवार उपसली होती मग आमचा समाज सुधारण्यासाठी आम्ही का मागे राहावे?आमच्या मागणीचा यथोचित विचार करून आपण आमची मागणी मान्य कराल. ही अपेक्षा करते. हीच तुमच्याकडून आम्हाला जागतिक महिला दिनाची भेट समजू, असे पत्र राष्ट्रवादी शरद पवार गटाच्या महिला प्रदेशाध्यक्षा रोहिणी खड़से  यांनी लिहिले आहे.